سردهہ صباحيهہ (فيروز)
- انك تشرب قهوة الصبح وانت عم تسمع فيروز ..
- اكيد مرح يكون شي غريب او شي خارج ع الطبيعة
- لان فيروز - اسلوب حياة
- - المهم طريقة سماعك لفيروز
يا ترى انت بتسمعها بـ ادنك .. ولي بقلبك .. ولي بروحك
- يتقشعر على اماكن بتلامس روحك رغم كل مرة
يا ترى وقت تسمع فيروز بتنتبه على تفاصيلها ..
- كنت عم اسمع - حبيتك بالصيف - عم تقول ويقلها انطريني وتنطر ع الطريق ..
- صرت اتسائل .. كيف ممكن يكون
شكل هالبنت ..
- كيف شكل الطريق وقت نطريتو
كان مطر?! برد ! كان في عجقة شي ! ..
- يعني ع القليلة حركة الناس حواليك بتخفف الوحدة ع الروحك
بس قالت فيروز "والشارع غريق" ..
- معناها كان برد كتير
"ويروح وينساها وتدبل بالشتي"
يا ترى كيف ممكن انسان يدبل بالشتي ..
- فكرة الذبول هيي بعيدة كل البعد عن المي ..
- لان بوجود المي بتنوجد الحياة
طيب يا فيروز الحلوة الي نطرت كيف دبلت هك ..
- معقول خيبتها بالنطرة طغت على قوانين الطبيعة كلها
طغت على قوة المي بالاحياء ..
- ودبلت تحت سما مغيمة
مع هوا بارد بغل بالعضام ..
- بيوصل لنواة الانسان
كيف يا فيروز قدرت تنطر بالصيف وبالشتي رغم حالة الذبول اللي كانت فيها ..
- معقول الامل !!
- معقول في امل خلف الصيف وخلف الشتي
ويكون ملقانا هنيك متل ما غنيتي ..
- وراهن
يا ترى شو كان مكتوب بالرسالة ..
- وكيف ضاعت الحروف
وليش محيها الشتي !
- بس رغم كل شي الحلوة ما نطرت ع الطريق بس
نطرت خلف الصيف .. وخلف الشتي على امل .. اللقا
رغم ان كان امل ماطر .. وكلو برد يا فيروز
هل أعجبك الموضوع ؟
بقلم : أبوسندس الجزائري
مدون عربي ناشئ يهتم بكل ما هو جديد في عالم التكنلوجيا و التقنية و هدفه الأول التعلم والتعليم في مجال التقني .
بقلم الشاب السوري محمد رواشدة
إرسال تعليق