ابيض ..!!

الأبيض لون غريب كتير ...لون بيخوف تخيل شي يوم تفتح موبايلك تشوف شاشة بيضا مثلا ...؟
رح ترتعب وتفكر موبايلك مات ..او صرلو شي ...
بينما الشاشة السودا عادي كتير ...بيجوز الموبايل لسا ما فتح ..بيجوز معلق ..او بيجوز مافيو شحن ...البطارية فاضية !!
الابيض لون بيضل بالبال
الابيض لون الفرح ..لون فستان العرس

الابيض لون النظافة ...لون المرض ..الدكاترة ...المشافي ...وغرفة العمليات ..
يمكن الابيض هو نفسو الأسود احيانا ....
الأهل ما بيجيبو كتير تياب بيضا لانو. ابنون رح يوسخا ...الابيض بيتوسخ بسرعة
والوسخ عالابيض بيترك اثر صعب ليروح..
بدك تلبس ابيض ...بدك تنتبه علي لحتى ما يتوسخ
ونفس الشي اذا بدك تتعامل مع القلوب البيضا
لا تعاملا بقلب اسود
الابيض مو حقود
بس الابيض لما يتوسخ ،ينجرح ،مارح يرجع متل ما كان ..
الابيض ما بينسا ...وبعمرو مارح ينسى...

#ابيض